كُنا مفعولان بهِ .. فكان عِشقُنا ممنوعٌ من الصرف .
الجبان .. البحر
===========
سؤال غريب مُتَصدّر القايمه
الشمس ليه عينها ماهيش حاميه؟
وليه بتبقى حزينه ف غُناها ؟
فيه إيه كسر عينها وغمَّاها ؟
مابقتشى حتى قادره تتصنّع !!
الوهم .. لسّه ب قَفلة المصنع
والشمع فوقُه ..
ما اتضربش مَفَك .
شفايفها .. متغّريّه فوق الفك
النور يادوب ب يعدّى بصعوبه
فى بَؤنه جايَّه .. كإنها ف طوبه
وانا قلبى جمر ..
وذكرياته أنيس .
كل أمَّا يطفى .. تتفتح كررايس !!
تفضًى جوَّه القلب بنزينها !!
من لمس إيدى ..
ل نظرتى ف عينها .
وشعر طاير ف الهوا المقصود
يغطّى قلبى والعيون السود
بأمر طايش .. م الجبان .. البحر
ليه بتعاكسها وانتى صاحبى يا بحر ؟
ليه سيبت مَدَّك وافتكرت النَحر
تنحر ف قلبى ب قسوه ف الهوجَه
تبلع دفاها .. موجه .. ورا موجه
وافضل وحيد ..
والشمس طالعه ..
ف برد !! .
يبكى ف ايدين البياعين .. الورد !!
وأبقى نورس مرمى ع الشاطئ !!
أحلف يمين .. إن انت متواطئ
وإنى عندك .. زى قارب غرق
وساب حياته حبر فوق الورق
حبة قصايد من سمك مشوى
محشوره جوَّه الجرح و ب تكوى
أمسك عيونى بين سنانى واجزّ
مش راضيه تسكت .. والدموع ب تنز
وانا لسّه حاسس إيدى على خدك
و ف روحى طاير عطر من وردك
رغم انه راح للى دَفع .. واتباع
اللعنه ع الشارى .. وع البياع
وعليّا برضو لإنى كنت فقير
عصفور .. دَخَلت ف عشة الدبابير !!
شايل جناحى القمح والميَّه !!
طب حتى كنتى اتأخرى شويّه
واتلكّعى .. ف بُعادِك المحتوم
يمكن أمارس لعبة لعبة الموهوم
واذا كنت فاشل .. يمكن اتصنَّع
الوهم .. لسه بقفلة المصنع
لو مش بإيدى .. بالسنان يتفك
الشمع سايح ..
وف إديّا مَفَك .
____________________
بَؤنَه وطوبه شهران بالتوقيت المصرى القديم .. الأول ذروة الصيف والثانى ذروة الشتاء .
خالد عاطف أبو العزم
الجبان .. البحر
===========
سؤال غريب مُتَصدّر القايمه
الشمس ليه عينها ماهيش حاميه؟
وليه بتبقى حزينه ف غُناها ؟
فيه إيه كسر عينها وغمَّاها ؟
مابقتشى حتى قادره تتصنّع !!
الوهم .. لسّه ب قَفلة المصنع
والشمع فوقُه ..
ما اتضربش مَفَك .
شفايفها .. متغّريّه فوق الفك
النور يادوب ب يعدّى بصعوبه
فى بَؤنه جايَّه .. كإنها ف طوبه
وانا قلبى جمر ..
وذكرياته أنيس .
كل أمَّا يطفى .. تتفتح كررايس !!
تفضًى جوَّه القلب بنزينها !!
من لمس إيدى ..
ل نظرتى ف عينها .
وشعر طاير ف الهوا المقصود
يغطّى قلبى والعيون السود
بأمر طايش .. م الجبان .. البحر
ليه بتعاكسها وانتى صاحبى يا بحر ؟
ليه سيبت مَدَّك وافتكرت النَحر
تنحر ف قلبى ب قسوه ف الهوجَه
تبلع دفاها .. موجه .. ورا موجه
وافضل وحيد ..
والشمس طالعه ..
ف برد !! .
يبكى ف ايدين البياعين .. الورد !!
وأبقى نورس مرمى ع الشاطئ !!
أحلف يمين .. إن انت متواطئ
وإنى عندك .. زى قارب غرق
وساب حياته حبر فوق الورق
حبة قصايد من سمك مشوى
محشوره جوَّه الجرح و ب تكوى
أمسك عيونى بين سنانى واجزّ
مش راضيه تسكت .. والدموع ب تنز
وانا لسّه حاسس إيدى على خدك
و ف روحى طاير عطر من وردك
رغم انه راح للى دَفع .. واتباع
اللعنه ع الشارى .. وع البياع
وعليّا برضو لإنى كنت فقير
عصفور .. دَخَلت ف عشة الدبابير !!
شايل جناحى القمح والميَّه !!
طب حتى كنتى اتأخرى شويّه
واتلكّعى .. ف بُعادِك المحتوم
يمكن أمارس لعبة لعبة الموهوم
واذا كنت فاشل .. يمكن اتصنَّع
الوهم .. لسه بقفلة المصنع
لو مش بإيدى .. بالسنان يتفك
الشمع سايح ..
وف إديّا مَفَك .
____________________
بَؤنَه وطوبه شهران بالتوقيت المصرى القديم .. الأول ذروة الصيف والثانى ذروة الشتاء .
خالد عاطف أبو العزم
ليست هناك تعليقات:
إرسال تعليق