أسمعني يا خال 🥀
حاسب لتقع
بين الاحزان
لو سقطت ايه ينجيك
يا خال أسمعني
كله بيعدي
أحزنا.... افرحنا
حتي أعمرنا
كله بيعدي عادي
كل بيعدي علي أرواحنا
بياخد من احلامنا
بيسرق ضحكتنا
اوعي يا خال
تسيب فرحه ولو مسروقه
أخطفها خبيها
بين ضلوعك أخفيها
اتمسك بيها
حتي لو بهتانه
أتغصب و أفرحها
بكرة يطلع نهار
وتشرق شمس تدفي الليل
تمسح دمعه نجمه حزنانه
تدفي قلبك يا خال
أوعاك تسقط في بير الأحزان
وفي طريقك
حاسب يا خال
الطريق واعر
مليان تعابين وعقارب
لونهم جميل زاهي
تعجبك نعومتهم
ولسانهم المعسول
تجرب تقرب
تتلدع ولا ليك
ديه
لكن في وسط سكتك
هتلاقي قلوب
تعبانه
طبطب وامسح دمعه حيرانه
أوعاك تقسي
علي القلوب
في ناس من كلمه بتنشرخ
هتصادف كمان
وكمان
وكلمه أخيرة..
ولا لها تاني
أوعاك تفرط في اللى شيفك دنيته فرحته
قلب أخضر
اوعاك تجرحه
جواك دفيه
🌼منى محمد رزق
ليست هناك تعليقات:
إرسال تعليق