عريس لبنتي
بقلمي / عبدالحميد السماحي
عوز عريس لبنتي
قلبه أبيض وايده مليانه
براحه يجي يعاتبني
قبل مابنتي تقول آه يانا
طموحه عاليا يناسبنا
يسقيها لوقالت عطشانه
بالفرحه ايده تخطط
وعينه دايما مليانه
ميحبش مشي الضلمه
فى النور يكون له مكانه
الفجر يوهب له غصونه
بصلاته الناس فرحانه
عاوز عريس لبنتي
ماهى بنتي بنت أصول
قلبها الأبيض يعجبني
ويعجب اللى هيكون مسؤول
جواها الخير يتمدد
وتمشي العوج معدول
الوجه قمر رباني
وميهمش أكل الفول
مادام هيقول لها حبيبتي
بالدنيا عندي معقول
عاوز عريس لبنتي
الشقه فرحة قلب
اساسها الدين يبني
الصحابه أساس الحب
بالصلاه عالنبي يغلبني
ابوابها بالخير بتصب
دهانها حب وطاعه
مفهاش عتمه ولا غلب
ابوه وامه على راسنا
باخواته إحنا أهل وقرب
عاوز عريس لبنتي
بقلمي
عبدالحميد السماحي
مصر / محافظة كفرالشيخ
ليست هناك تعليقات:
إرسال تعليق