بقلم / رجب عبدالله عبدالعزيز الفخرانى
باقى لينا أيه
حتى الرغيف ما سلم
ضغطوا عليه فصغر
وكيف نسد جوعنا ؟
والرغيف بقى لقمة
نقمة وجات علينا
ومين ينصف
ومين يعدل
موسم ومهرجان
انتخب
بننتخب
ليجيبوا حقوقنا
وكل اللى بننتخبه
ييجى علينا ليه
العيب فينا واللى فيهم
لا دا العيب فينا
عشان ٢٠٠ جنيه
وحبة زيت وسكر
نقعد البيه
خلاص
باقى لينا ايه
لما نسكت ناخد بالقديمة
وأما بنتكلم برده بالقديمة
فينك يا زمن تمنيته
يا زمن ولى وراح
وما بقى منك إلا النواح
اخرس
فوق منك جلاد
أرضى وأحمد
واتعود تكون جبان
قوتى وقوت ولادى
أخرس واتعلم
تدى التحية للبيه
حتى الرغيف قصقصوه
بعد ما خصصوه
وإحنا شاهدين عليه
هما ياكلوه
وإحنا نتفرج عليه
باقى لينا أيه
حق المعلم راح
وبيتقبض عليه
مثله مثل حرامى
أو نصاب
والتحية لإبن البيه
باقى لينا أيه
نبيع ولادنا
طيب نجبهم ليه
الصورة بقت واضحة
نصرخ
طيب نسكت ليه
الرغيف ...!!!!!!!!
رجعوه
كبروه
دا هو اللى فاضلنا
مالى بطونا
ومسكتنا
وراضيين بيه
ليست هناك تعليقات:
إرسال تعليق