لبنان بسبع إرْواح
قالوا وطن بسبع إرْواح
الروح السابعة ما بتموت
الريّس قاعد مرتاح
وعراسنا انهدِّت لبيوت
كل همّو الكرسي ومفتاح
لخزنة ثروة ببطن الحوت
ما باقي أد الّي راح
ما في غير ورق التوت
الناس إلْ عاشت أتراح
وراحت بحّتها والصوت
وصارت عيلتها أشباح
مشقّفة أشلاء بتابوت
رح تِهْشُل من كل سفّاح
وتترك وراها بشروط
الدعيو مبارح للإصلاح
يقولوا شو عملوا مظبوط
وطني قالوا بسبع ارْواح
الروح السابعة عم بتموت
وإنتوا يا عصابة بسلاح
سرقتوا منّا مال وقوت
وطلعتوا ترفّوا بجناح
الصقر وعنا تقولوا بعوض
وجبتوا للمرفأ سوّاح
بأكاليل يزينوا وبارود
كيف الضمير بيرتاح
وقمصانكم بزرار ياقوت
ومن السلطة بتجْنوا أرباح
من سابع روح عمبتموت
عمتنزف دم من جراح
ما بتتسكّر يا بيروت
والقاعد يسكر بقداح
ويرندح وراسو مبسوط
ترنيمة أووف ونواح
عجنازة انرشّت بورود
أديه في وحوش ومناح
بس متلكن ما لو حدود
ما فيني قول بهالصباح
غير يا ديعانك يا بيروت
فاطمة البلطجي
ليست هناك تعليقات:
إرسال تعليق