توحشتك يا خويا (باللهجة الجزائرية)
طال الليل وظلامت الدنيا
غبت عني يا ريحة أمي وبويا
لا ليا معين غيرك يا خويا
قالولك عني حكايات ورويات
صدقتهم لا سألت فيا
قفلت قلبك وزدت بابك
توحشتك يا خويا ،،،
خيالك ما غاب عني ولو دقيقة
يا توأم روحي ودمي
فرحي وهنايا
إنت عارف إنك دواء لجروحي
سعدي وغنايا
يا خويااااا ،،،
ياناس اخطونا
ابعدوا عنا وخلونا
وقتاش تفارقونا
يلي ديما تحسدونا
ابعدونااااا ،،، ابعدونااااا
خويا سمع كلامكم
صدقكم وعني رحل
خلاني ياقلبه القاسي
حسابكم للي خلقكم
يا قلوب من حجر
غدوة ما عندكم مهرب
ربي أكبر من الكل
ياسامعي اسمع لكلامي مليح
نوصيك غير الصحيح
وصية أخت لخوها الرفيق
لا تفرق عن دمك
كونك راجل صريح
لازم تعرف إنك :
انت شرفها وعرضها
ما حضن غير حضنك يلمها
عمرك ما تلقي زيها
ولا كرش تجيب أخت مثلها
خويا،،، يا خويا ،،،
عمري لا نلومك لا نخليك
مهما بغاوا وتآمروا علينا
بعادك صعب عليا نجافيك
قدر قلبك بجافيني
خليتني وحيدة نشكي همي للمولى
دمعتي سايحة على الخد حزينة
ياما ليالي تمنيتك قدام عينيا
تمسح دمعتي بحنية
بنظرة منك ننسى عنايا
إنت حبيبي يا قرة قلبي
خويا ،،، يا خويا ،،، يا خويا
بقلم الشاعرة الجزائرية عطر محمد لطفي
ليست هناك تعليقات:
إرسال تعليق