ياريت:
ياريت فيي طال هالنجمات
وضمن إلك ع الصدر أيقونه-ي
يغفى القمر ع مخدة الوجنات
ويلف شعرك...... ليل كانوني
ونشرد ع كتف الريح والغيمات
تنامي بخوابي خمرتي مونه-ي
يا حلوتي انت رشا المرجات
تحت السما وحراسك عيوني
ميلي ع زندي ميلة الغنجات
واغفي مابين العين وجفوني
والتم يسكب خمرة الكرمات
والنهد ينضح زيت عيطوني
واسكر من الخمره بلا كاسات
واجمع جرار الزيت للمونه-ي
ونرسم حلم صبيان.... وبنيات
مجنون عم يحكي لمجنونه-ي
ويوعى الحلم بصحوتي لحظات
ويغفى ع دنية أمل مسكونه-ي
وضمك ع صدري يدبقو العسلات
مدري من القفران مدري من القونه-ي
************
بقلم :نوفل خليل عباس
29/9/2020
القفران جمع قفير النحل
ليست هناك تعليقات:
إرسال تعليق