سجال.............. .قصيدة.......#شعر_سيف_الدين_رشاد
أنا والقمر
أنا عاشق
بحب القمر
دايب في حبه
والليل والسهر
حبيبي سكر مكرر
قلت لا
حبيبي أحلي
وحبه قدر
أنا والقمر
يعني أعشق حجر
أحب قمر
في السما ما له عمر
أنا أحب حبيب
في قلبي عايش
يأمرني أأتمر
أنا والقمر
القمر دا دليل
علي حبي أنا
إن كان حجر
إن كان قمر
هو هو في قلبي
من حبه القلب
لا يستقر
ما له الحجر
دليل ع الجمال
دليل علي الليل
والجمال والسهر
أنا والقمر
عمر القمر ما كان دليل
لحب وسهر
ممكن لسهد وكدر
وحبة شد وحد
مع هات وخد
وضرب بقطر
ودم يسيل علي ضوء القمر
يبقي حب أصيل
من غير قمر ولا حجر
خدود وردية وعيون
بتقول إحنا في حالة حب
أوله قدر وآخره
عشق وكلام وأيادي
بتلمس أيادي مع سمر
بقلمي
سيف الدين رشاد
27/3/2021
ليست هناك تعليقات:
إرسال تعليق