مليح الجوى
حبيبتي جيت من درب العنا ووحله
ماهمني طين تربة او هبوب الهوى
قلت اجمع الشوق بيديني واقدمه له
ورداً زرعته بقلبي لين فيــــــه ارتوى
ماني بناسي غرامك او يكون اهمله
لوجال بيني وبينك من صدوف النوى
اليوم اشوفك بعيني ياسمينة وله
والبارح انتي بقلبي فيك ياما حوى
لكن الايام تمضي مرحله مرحله
وانفاس صدري وهمسك كلها لي دوى
ياهيه وانتي حديث القلب اتخيله
فوق الثريا مكانك يامليح الجوى
أي والله اعشقك ياحبي ومستقبله
واتيه في عالمك دامك لقلبي دوى
دخيل العطيوي الثقفي
ليست هناك تعليقات:
إرسال تعليق