تعاتبني
للشاعر دخيل العطيوي الثقفي
***********************
تعاتبني محبه ما تعتبني عشان تروح
عتاب اللي يحب يزيد قدره وسط وجداني
هذا ماهو عتاب والاخصام ولا خواطر روح
هذا من زود عشقٍ في فؤاده فاض واسقاني
حشا ما بيننا غير الغرام وحبنا مسموح
محبة صادقه ماخترت لا مجني ولا جاني
لأن الفكر واضح والمرامي عطر ند بفوح
على وضح النقاجيت أطلبه يوم الله اعطاني
ولا دسيت وجهي بالحيا في تعبةٍ وجروح
ابيها بالحلال اللي ..... يعزز قربها ثاني
عزيزه بالنسب ماهي اللي مالهم مصلوح
معربة النسب ما بين اخوالا وجداني
وانا من حبها سويت لجله فالفجاج صروح
وقدره فالغلا بين الضلوع وداخل اعياني
ولو عاتب عتابه بلسماً تشفى معاه جروح
وتغني بالموده خاطري عن كل شي ثاني
لها عندي قدر ماهو بحي الله كلام يلوح
على طول العمر الود يبقى ثوبها الحاني
ليست هناك تعليقات:
إرسال تعليق