فاكره يوم حلفتيلى إن عمرك ما تسبينى
كنت يومها بتوعدينى إن ابدا ما تفوتينى
الوقتى أنا بفكرك وكنت ليه بتعشمينى
عارفه لما بتبعدى أد ايه بتوحشينى
كنت لما اقول بحبك الاقى إنك صدتينى
كنت لما اقول عشقتك عمر يوم ما ترحمينى
لو بس كنت تسمعى أو حتى كنت تصدقينى
إن قلبى ملك إيدك لو كنت مره تفهمينى
حسى مره واعرفى ازاى قدرتى تملكينى
ازاى بس تجرحى مش قلتى إنك حبتينى
هو الغرام عندك خداع وحابه بس تودعينى
مكتوب لى اندم ع اللى باع واعيش احب اللى نسينى
ازاى قدرتى بكل قسوه بكل قوه تحطمينى
نسيتى حبى جوه قلبى والشوق كمان باين فى عينى
نسيتى حبك زكرياتنا لما قلبك كان شارينى
ازاى أعيش وازاى اصدق وأنت كنت بتخدعينى
مستحيل أنا عمرى ما انسى نظره منك تاسرينى
قلت إنك بس ليا وعدت قلبى تزكرينى
بخبى دمعى لما ببكى ولا مره حتى ترحمينى
أنا مش عايزك أنت اخترتى عمرى ما اضعف مهما تجينى
عمرى ما اصدق مهما تحاولى ولا هترجى واقول سامحيني
هانى الموافى 💕
ليست هناك تعليقات:
إرسال تعليق