الدرب الطويل
للشاعر دخيل العطيوي الثقفي
،،،،،،،،،،،،،،،،،،،،،،،،
طيفك خذاني ليلة البارح على الدرب الطويل
وأزاح عن قلبي همومٍ ثُقلها ثقل الجبال
سرا بي المعقول ما بين التوجد والجميل
يعطي مفاهيمه على فكري بضرب من الخيال
يشدني تاره ويدفعني على سندا وميل
وده يباريني على الميدان قبل أخذ مجال
ليله جميله كانت البارح قساها مستحيل
حسيت كبر النفس فيها سار مقصد وإفتعال
يلومني ويصدني ويزيد فوق الحط شيل
وده يِثَنّي عزم شاعر لين تنبذه الرجال
مايدري إن العهد ما بيني وبينه ما يميل
يبقى بعون الله ثابت ما يجي فيه إختلال
لكن أبتحمل عناده لجل له قدراً جليل
تاجاً على راسي مقره مثل رزات العقال
أبعذره لو زاد في قسوته في صبحٍ وليل
وأبسمحه وأجيه لو نادا بقاوله لي تعال
في حبها حتى خياله ماقطعه وقت المقيل
أصون وده وإحترامه زاد عن عماً وخال
إشلون ما تبع طيفها لو مرني في وسط ليل
والعين موطنها ورمش العين من فوقه ضلال
ليست هناك تعليقات:
إرسال تعليق