رحلة عمر:
دارت دوتها الأيام وضاقت الدنيا فينا
م حسبناغدرالزمان واللي مكتوب علينا
ضعنا وضيّعنا اللي كان وبآخر دوره وعينا
*******
كنا ولاد وضايعين بين اللهو وبين اللعب
صرنا بالحب مجانين وتعلمنا كار الحب
لفته من عيون الحلوين بتحفر بير وترمينا
*******
والحال مكسّر تكسير بين الحاجه والتعتير
طير الحب تربى صغيريرسم بالحلم مشاوير
مرة يغط ومرة يطير وكبرت احلامو/ه/ فينا
*******
وكبرنا وصرنا شباب هجم الحب وكسر الباب
وبأسباب وغير اسباب يبدأ مشوار العذاب
نلم حكاية ونقرا كتاب وتغيّر كل شي علينا
*******
نفتش بدنيا الاحلام عن مستقبلنا ال جايي
نلم وراق ونبري قلام ونكتب هالعمر حكايي /ة/
وانشالله بكرا لقدام تتحقق امانينا
******
ودخلنا بيت الجازه والقلب الما لو عازي/ه/
قالو المرا عكازي/ة/ تراكي دهب وغوازي
تاري هالجازه حزازي/ه/ كيف م لمستا بتعدينا
******
شبنا وشيّبنا الشعرات وتعودنا كار النق
ضجرت منّا الحكايات عاري ونايم بين البق
ملت قعدتنا البنات والشباب تجافينا
******
الله يستر بالآخر من هالختيار القاصر
طالع نازل بِ ناقرع الصاير وال مو صاير
لا ونيس ولا زايّر ياربي تلطّف بينا
******
ونقضي العمر المقهورونعيش بصرح الاوهام
نسهر وينام الناطور ونعوم ببحر الآلام
وبهاك الكوخ المهجور نموت وما يدري فينا
************
بقلم: نوفل خليل عباس 14/7/2019
ليست هناك تعليقات:
إرسال تعليق