(بدك ياني موت)
بدك ياني يعني موت
تصيبني أزمة قلبية
حلي عني بس شوي
ملازمتيني يومية
حاج نق وسق وحكي
والقصة نفسا محكية
تهدي وروقي ياحلوة
أرحميني بس شوية
نشفت ريقي بسرعة
هاتيلك كاسة مية
الحياة كتير صعبة
وبدا حكمة وروية
بدها والله تعاون
وبدا أترة حرية
كل شي بيصير بينا
بتمنا يضل بسرية
أنت طيوبة ورقيقة
بعرف قالوا قوية
خلي قلبك لين
ونفسيتك خليها طرية
ولا تبخي السم بوجهي
أوعاك متل الحية
المهم تهدي بالك
وتصفي معي النية
أبو يوسف طارق يونس
ليست هناك تعليقات:
إرسال تعليق