كورونا كشفت لسرار
(زجل مغربي)
كورونا حَلَّتْ بِناتنا في لبلاد.
صبحات على فْواهْ كل لعباد.
شي مآمن بها ولاخَرْ كينفيها
لرواح كتموت فكل يوم ومزال
ولمرضى كثروا ف بيت الخطار.
تقهقرنا وتدهور إقتصاد لبلاد.
ولفقير ما بقى عندو قوت اليوم.
واش وباء هذا ولا عقاب؟
حال الفقير أصبح كيألم اليوم
اُو ما باين اتجاه طريق يفرح.
فين مشاو مسؤولين هذه لبلاد.
وَلَّاوْ كَيتْمَلْصُو وكيقمعو فَ لعباد.
فين حلولهم لي گالوا ناجعة؟
كلهم وَلَّاوْ كيجتاهدو فلكدوب
وفين كلام الانتخابات لي گالو؟
واش المسؤولية ماشي سوقهم؟
واش الكرسي وَلَّا غير لگلاس؟
ما بقيت فاهم والو فهاد لبلاد!
وما بغيت من حد يفهمني!
كلشي وْضَحْ اُو بان ليوم!
براكة عليا ما اعرفت البارح!
وما شفت البارح وليوم!
لعشوائية فكل بلاصة سارية
وبْلَا ما تَيَّقْ انت وانا فلكدوب.
كل واحد فيهم كيرتجل الحلول
من راسو اُو بلا شوار لَاخَرْ يدير
براكة علينا من لخدع وتنافيق
وكلا واحد يدير ولا يتصاخر اللور
راه حال لبلاد مابقى كيبشر بالخير
حتى لاين وحنا سكتين عالعيب
واش كتسنى القوي يهنيك اليوم
من المحنة والعيشة المغبونة
لا تبقى كتغالط راسك يا فقير
كولشي باين أ واضح لكبير والصغير
راه لي ما فاق بكري اليوم
غدي تغرب عليه الشمس وهو ناعس
ما يدي ما يجيب ف لخبار
كيف ميت العاصر كيغادر لمكان.
بقلم: محمد دومو
ليست هناك تعليقات:
إرسال تعليق