👈هي جت عل الجرح ولا
🤺 الجرح تحت السرج مداري
للحصان اشتكي ولا الخيال داري
فينك ياطبيب الجروح من بدري
اصل جرحي فتح وقلبي بيعاني
ومين ياناس يجي كده يقول لي
يجيب لي طبيب شاطر يطببني
ولا جابر يجبر الخاطر اللي هزمني
ان كان عل الجرح استحمله
لكن كسر الخاطر مين يجبرني
سألت كتير مين يستحملني
مجروحه مكسوره من ضعفي
لالاقيه طب يداوني
ولا حد يمد اٍيده يسندني
ياناس مدوا أيديكم للغلبان
احنا ماشين وفيها عايشين
مسندودين عكاكزنا مكسوره
ومش دارين
تحملنا ولسه مستحملين
بيوتنا بتئن من ضلمتنا
وشراينا شاخت وليه ساكتين
اٍتسرقت سنين عمرنا ونشكي لمين
واحوالنا صعبت علي نفسنا
سكت بقلبي كلامه
حتي نبضي من السكات
شكي هو كمان من دم شرياني
توهت والله بين ظنوني
وبين احلامي لعدت أسكت
ولا عارفة حتي أداري
أرجع واقول
هي جت عل الجرح ولا
الجرح تحت السرج مداري
واشكي لمين من احلامي
لعدت اسكت ولا عارفه
انا حتي اداري
ارجع واقول هي جت
عل الجرح ولا الجرح
تحت السرج مداري... كلماتي بقلم ...ناديه ابراهيم
ليست هناك تعليقات:
إرسال تعليق