بتخطفنا السنين تانى
وتهرب بينا للاحزان
ولهفة شوقنا للغايب
بتلهينى عن الفرحة
ونَصبه لنا الشِباك ألوان
يا غايب أمتى راح ترجع
تضمد فينا كل جراح
وتزرع من جديد ضحكه
تنبت فى القلوب أفراح
نوزعها على الرايح
نضلل بيها سهد الجاى
ونمشى مشبكين إيدنا
عشان ما نقاوم الازمان
ولهفة شوقنا ف عيونا
تدفينا من الحرمان
ماترجعش السنين تانى
ولا تحاول تباعدنا
تلم الحزن ف جيوبها
نسد وراها مليون باب
خلاص ما بقينا انا وانتى
خلاصة زمرة العشاق
يا ريت ترجع بقا ليه
وترمى الهجر م الشباك
أنا بهواك
أنا بهواك.
.........
عصام عبد المحسن
ليست هناك تعليقات:
إرسال تعليق