بكلي بات يحويني
أرى شعري بـدا يشـرح وسطر لي معاناته
وقصدي ما تعـديته حبيب واثـق فيني
يكـدرني إذا شفـته يداري مني عبراتـه
كـأنه ما درى إنـه بكلـي بـات يحوينـي
حروف الشـعر لو تعصى أذللها لغاياته
وإنـه غـاب عن عيني بقى طيفه يسليني
أبي أعطيه وان قصرت غفـرت لكل زلاته
هذاك إلي ملك قلبي وعطر لي شراييني
حبيبي جالس بقلبي وهو عارف بعلاته
يطـمني وجـوده فيه ويحيي مابقى فيني
إذا هميت أنا الدنيا يهـدٍّيني بحكاياته
يسلي خاطـري إن ضقت وبافراحي يهنيني
حبيبي فرحة الدنيا وعيني في محـياته
أنا له أعـذب أنشودة حشا بالزيف يطريني
حبيبـي زهرة الدنيا تورد في سجايا ته
كمل حسنه وزاد حشـمه وصية دينه وديني
عبد الرحمن الحازمي
ليست هناك تعليقات:
إرسال تعليق