ق/خلـي بالكم م الحــرامي
ك/أحمد عبد الرحمن صالح
⚆⚆⚆⚆⚆⚆⚆⚆
⚆
⚆
⚆
⚆صـــــــدقونــي لما هكبر
⚆هبقى مجــرم او حرامي
⚆هبقي مشرط دبلوماسي
⚆ع الجريمـة قلبه حـامي
⚆هبقي زئبق صعب يثبت
⚆راح تتـوه بين نظـــامي
⚆هبقى ليكم حالة نــادرة
⚆تختلف فيهـــا الاسـامي
⚆اصـل انا صنعة ايـديكم
⚆اتفــاجئتـوا مــن كلامي
⚆لما كنت بهــــون عليكم
⚆كله كان عـامل عصـامي
⚆مجتمـع دايمــاً بيظلـــم
⚆للفقير مـن غير محـامي
⚆ع الغلابــة ليه نـــدوس
⚆والطمــع ليه لينا عـامي
⚆نفسي اعيـش زي البشر
⚆نفسي اخلص من ألآمي
⚆اي لقمــــة كنت برضـــا
⚆وانتوا بتزيدوا اتهــامـي
⚆صـــدقــوني لما هكبـــر
⚆راح تشـوفوا لانتقـــامي
⚆اللـى ظـالم هـــــو انتـم
⚆مجتمـع فاشــي نظـامي
⚆ختوا إيــه ولا استفـدوا
⚆من آلام سكنت عظـامي
⚆عين بعين والبادي اظلم
⚆والزمن اكبر محــــــامي
⚆بكرا هتشوفـــوا التزامي
⚆خلوا بالكم م الحـــرامي
⚆كلمات/أحمد عبد الرحمن صالح
ليست هناك تعليقات:
إرسال تعليق