بحكيلك عن حالى
.....................
بحكيلك عاللى بيجرالى
ياريت تشوف لي صرفه
صورتك ديما فى خيالى
وبحس بشئ مش عارفه
الاقينى كدا بفكر فيك
على بالى ديما الاقيك
من كتر شوقى ليك
ببقى مش دارى بحالى
لو طيفك عنى يغيب
الأقى الفكر يودى ويجيب
وعن روحى بحس غريب
ومش عارف أيه بيجرالى
فى خيالى ساكن هواك
على بالى ديما بالقاك
أن غيبت عن عينى
الأقينى بفكرى شارد وياك
أبات وانا بيك مشغول
أسهر والليل بيا يطول
أن جيت أشكى واقول
الكلام يقف على لسانى
قلبى بيشكى وتعب حالى
من هجرك وسهر الليالى
شوقى لك ماعنى يغيب
وطيفك ساكن فى خيالى
أنا بحب عينيك وأعشقها
وعينيا تبكى من شوقها
روحى شمعة عشانك بحرقها
لتنور لك ظلم الليالى
أحكيلك أيه وبأيه أفسر
الشوق إللى بيزيد ويكتر
من كتر شوقى تتصور
نفسى اوصفهولك مش بقدر
بشيلك سر فى صدرى
وانا من زحمة الأشواق
أخاف أموت وانت ماتدرى
من الفراق أيه جرالى
.....
بقلم الشاعر
الأمير _محمود
ليست هناك تعليقات:
إرسال تعليق