رباعيات
................
وقف الشجر يغني
ولا عمره يوم اشتكى
إبعد يا حزن عني
ويا عين كفايه بكى
.................
والصبح جه مسرور
بيداري ويخبي
شايل في قلبه النور
عارف مدى حبي
................
وخدتني ساعة سمر
خبيتني م الدنيا
أتاري ضوء القمر
راعيها بالثانيه
..............
رد لعيني السعاده
يا فجر فين نورك
عاشقاك من عمر الولاده
وبتقرا فى سطورك
..................
خطي ساعات الليل
يا قلبي لا تهرب
وانا دمعي نازل سيل
وم النهار قرب
...............
عدت عليا الليالي
وانا ياما عديتها
ما لقيت ولا قلب خالي
إلا فى سكتها
.............
بقلمي /اسماء محمد عبد الكريم
16/9/2021
ليست هناك تعليقات:
إرسال تعليق