(مرثية ناصر).اليوم يصادف اربع أعوام على رحيلك يا غالي.
١٧ /١٠ /٢٠١٧
ليت الموت حداني وطواني طي
ولا سمعت بناصر ووقته وحينه
ياخوي بعدك ما بقالي خي
والله ع القهر قطع مني الوتينه
ناصر فزعة الجار ومسقي المي
ومبخر الطيب بنواحي المدينه
عسى قبرك نور وظلال وفي
بجاه رب البحر ورب السفينه
بعض الرجال تغدي ما نابها شي
وناصر يدمح الشر خابرينه
غياب البعض له نار تكوينا كي
تجارتهم الخير وسلعتهم ثمينه
بعض الرجال مالها قياس وطي
وشلون انسى ابو فادي وسنينه
بعض المطاليق تجيها وتعي
وناصر لصملات الزمن ذاخرينه
ابو فادي قرم وما هوب شوي
من غدا والعين تدمع حزينه
غصن المحبه ناصر مرويه ري
يسقيه من نبع الوفا وحنينه
حبه بقلبي شامخ مثل الضي
طواه الزمن وعرفه ذاكرينه
اخاف الله ان قلت مامات حي
ون خذاه الموت محنا بناسينه
قالواعلامك تون قلت غصبٍ علي
هذا ناصر منسى دفى عينه
من اربع سنين وانا ميت وحي
والحزن تحت الوسايد دافنينه
ابو فادي ياشمعة الدار والحي
عساك بحفظ المولى وطالبينه
ليست هناك تعليقات:
إرسال تعليق