دايرة مقفولة
بقلم الكاتبة والفنانة التشكيلية
✍️...هبة الله يوسف محمود سند
أنا واحده مابين ملايين
وفي ستات كتييير زيي
عايشه الدنيا هبد ورزع
وبتقول الحياة وردي
تعافر وسط موج عالي
تقول عيشتي دي تحلالي
ولو تسألها عن أحوالها
تقول الحمل أشجاني
تداري دمعة مستورة
وتضحك ضحكة مكسورة
بفخر تقول دي بصمة روحي
وبكمل بيهم الصورة
****
تشوفها تقول دي بنت قصور
بتاج فوق راسها حاميها
بنظرة عين تناجي قلوب
بتنهيها وتحييها
و لو قربت من كواليسها
تشوف دايرتها مقفولة
مابين أحزان وبين أوجاع
وبين ذكرى وكام صورة
أنا واحدة ما بين ملايين
عايشة في دايرة مقفولة
🔥هہمہسہآتہ حہآئرة🔥
ليست هناك تعليقات:
إرسال تعليق