رثاء زوجي الغالي ...
في ذكرى. مرور سنه على وفاته
الله من همً تمادا بالاعماق
يكبر وتنزف بالمحــاني جروحه
ضيقة صدر وأحزان والام وافراق
ولاً باقي الا الصبر تشمخ صروحه
يالله تجبر خاطري عقب ماضاق
اللي معه دنياي صارت شحوحه
شالت معاني بسمة القلب وانعاق
واقفا الامل وأدبر وعجّل نزوحه
ظـلً رحل واقفا معه.شوف الاحداق
فقدت انا دفئه ومذرا سفوحه
فقدت انا في غيبته. نور الاشراق
ولاظنتي يشرق ولا اشوف ضوحه
غالي ولا غيره له الحب ينساق
وحزنه رسملي داخل الذات لوحه
لوحة ألـم. لوحة كئابه وإرهاق
وعقب الزلال اليوم شربي ملوحه
ويالله ياللـي للمخــاليـق : رزاق
يالله عسى في جنه الخلـد روحه
فـي جـنـةً يزهي ثمرهـا والاوراق
مع كل توابً. ونفســه سـموحه... 7/12/2020
عاليه المناصير
ليست هناك تعليقات:
إرسال تعليق