يا عم الحاج.. ✍فكري هنداوي

يا عم الحاج !!!!!!
*************
حجا مبرور/ ذنبا مغفور
ياعم الحاج!!!
رحت وجيت بعد م حجيت
أديت الفرض!!
اديته تمام حسب الأحكام
واجب وسنه وركن وفرض
في أطهر ارض!!
دي قلوب العالم تهوي إليها
طول وعرض!!!
*************
دي نعمه كتبها ربنا ليك
لما دعيت وقلت ياريت
احج البيت!!!!!
مبرووك عليك لما اديت
أعمال الحج!!!
ويا سعديك لماصليت
 في الروضة والحجر!!!
كل صلاه عند الله
بالميت الف!!!
اوعاك ترجع تاني للخلف!!!!
************
كنت هناك وقلوبنا معاك
وبتدعيلك!! :الله يعينك!!
وانت ب تبني الركن ف دينك
والنهارده راجع لينا مغفور ذنبك
مشطوب دينك
راجع لينا ب قلب جديد!!
قلب برىء/ فرحان وسعيد!!
صفحته بيضا كالتوب لبيض
يوم العيد!!!
كأنك جاي للدنيا حالا
طفل وليد!!
**********
دي حجه كتبها ربنا ليك
حجه عليك!!!!
والنهارده اعمل بيها
 تبت فيها بكلتا يديك!!!
اوعاك يوم تفرط فيها
واحذر تعمل شيء ينافيها
واسمحلي اقولك:
لو دا ح يحصل
موش راحقولك :عمي الحاج
ياعم الحاج!!!!!
********
فكري هنداوي