على مهلكْ
،،،،،،،،،،،،
ماشيه كأن غزال بتتهادى
على مهلكْ
زى غصـن البـان مرســوم
الورد على خدك
البسمه فوق الشفايف والقله
فى يدكْ
اصيلـه وبنت أصـول وفِيَّـهْ
حتى فى وعدكْ
الطرحه فوق الجبين صاينه
كمان عرضكْ
زرع الغيطان صبح فرحـان
بيتمايل وبيغازلكْ
الرقه والاحساس يا حلـوه
قولى من فضلكْ
ماشيـه فى وسـط الغيطـان
سارحه هناك وحدكْ
مش خايفه كلب الجيران
يعدى الحد ويعضكْ
عاشق انا ولهان قولى يا حلوه
فين ارضكْ
انا ازرعها شوق وحنان انا أملى
أعيش جنبكْ
انا فلاح وأرضى براح خدى منها
ثمن مهركْ
قوليلى بجد أزيل الحد وأرضى
اضمها لارضكْ
يا حلوه فين بسمتك راحت
كلامى مش عجبكْ ؟
قولى الحقيقه بلاش الصمت
تعبت من صدكْ
كفايه دلال سنين على دا الحال
حافظ انا عهدكْ
عايش على أوهام قضيت عمرى
أسير حبكْ
انا قُلت إللى عنـدى خـلاص
ومستنى انا ردكْ
،،،،،،،،،،،،،،،،،،،،،،،،،،،،،،،،،،
بقلمى
مهندس / حسن سعد السيد
ليست هناك تعليقات:
إرسال تعليق