- تّميتي عشرين ؟
= لِسة شوية
- عَديتي سبعين ؟؟
= من وقت كبير
- ا حلامك فين ؟
= طارت على فوق
- طب و الوِحدة ؟
= اخدتني أسيرة
- عَندك أصحاب ؟
= بتعد لكام ؟
- اصحاب اصحاب !
= يبقى ماعنديش
- فضفضي طيّب ..
= ملهوش داعي
- انا قلبي يساع ..
= دة كلام تهويل
- لو مش راح تحكي ف سببك ايه ؟
= المعّلشات بدأت بـ " مفيش "
- بتحبي الليل ؟
= اسأل سوما
- بتخافي مـ الجاي ؟
= اصبحت بخاف
- أهلك أصحاب ؟
= مش بـ استمرار
- طب بينكم اية ؟
= حاجز شفّاف
- حَبيتي بصحيح ؟
= حَبيت جدا
- و دليلك اية ؟
= الفجر إدّن
- صَليت و دعيت ؟
= و بكيت اوقات
- و الناتج اية ؟
= بـِعد عَني ..
- خِلصت بجروح ؟
= بالنسبالي
- بـ النسباله؟
= كان بيغنّي
- مَضروب بـرصاص ؟
= عينه طبنجة
- جَرحك مَعسول ؟!
= زَي المانجة
- تركلك اية ؟
= وحدة و غُربة
- ساب عنوان ..
= هو " الكوربة "
- بتعدي هناك ؟
= قبل اما بنام
- طب و انتي تمام ؟
= انا حِلوة .. جَميلة
- فاكره تفاصيل ؟
= لا مش فاكره
- و نسيتي ؟
= و مكملة من غيره
- مِرتاحة طيب ؟
= تعبانة جدا
- تعبانة من اية ؟
= من مشاويره ..
- مشاوير مشاوير ؟
= مشاوير ذِكرى
- مش قولتي نسيتي ؟
= لِسة فاكراه : )
- الشعر لمين ؟
= ليا و لله
- مش جَرَح الناس ؟
= و جرحني معاه
- طب يجرح ليه ؟
= علشان موزون ؟
- ف بتهربي ليه ؟
= ده ملاذ مضمون
- لو كُسِر الوزن ؟
= القافيه تصون
- الشعر امين ؟
= عمره مابيخون
- طب خانك ليه ؟
= علشان حبيت
- ادمنته ازاي ؟
= من اول بيت
- البيت ادمان ؟
= لو كان بيته
- انتيكه بقيت ؟
= بل حبيته
- ماكتبتلهوش !
= بالطبع كتبت
- و كتبت ازاي ؟
= تفريغ لـ الكبت
- صوتك مخنوق ..
= الروح بتضيق
- الجرح صديق ؟
= دة صديق جارح
- فكرتي صحيح ؟!
= لسة بفكر
- في الجاي اكيد ..
= لا في امبارح
- مين اقرب ناس ؟
= هاندفريهي
- مينن ابعد ناس ؟
= اصحاب عمري
- كملتي السير ؟
= واقفه لسه
- طب واقفه ليه ؟
= إحتارت ف امري
- اقعدي طيب
= مالهوش لازمه
- شكلك تعبانة
= ماهي دي الأزمه
- اطلبلك ايه ؟
= قهوه و فيروز ؟؟
- يعني انتي عميقة ؟
= لا ده انا اراجوز
- اوقات بتفوزي ؟
= نادر جدا
- حلو. . و بعدين ؟
= بخسر بالجوز
- امك موجوده ؟
= لا ماتت من سنين
- راحتك مع مين ؟
= مع صاحبه " كمان "
- راضيه بحالك ؟
= بحمد ربي
- قولتي المتشال ؟
= لسه مخبي
- فضفضي طيب ..
= قدام هحكي
- و الوقت يفوت ؟
= ضيعنا كتير
- تميتي عشرين ؟
= كلها ساعتين ..
- عديتي سبعين ؟
= من وقت كبير
نجوى محمد
ليست هناك تعليقات:
إرسال تعليق