الجبل ثقيل بقلم الكاتب الأديب
نورالدين موهيب
_ " شوف الجبل ثقيل
مهزاتوا ريح
شوف الگمرة ويالهبيل
مالها مطيح "
_ شوف السماء معلاه
خالقوا مولاه
اللي برزقوا عطاه
مال الدنيا عماه
_ آآ البحر وموجاه
سعدات من جراه
حتى الفجر زين ومحلاه
فرحات من صلاه
_ آآ الغرام ومزهاه
والدنيا مصاحباه
اللي بحراموا شاداه
آحمى وراكباه
_ مزين البوا برضاه
والميمة مسامحاه
اللي ثاب وربي رجاه
مزينوا ملقاه
مع تحيات سيد الكلمات: نورالدين موهيب 15/9/2020
ليست هناك تعليقات:
إرسال تعليق