أيام زمان بقلم // همسات حائرة

 بقلم ⁦✍️⁩....🔥هہمہسہآتہ حہآئرة🔥

🔥ﭑيــــآمِے. زِّمــــآنٌےـ

فى بدايه الحكايه

نمسح دمعة عيونا 

وندارى وجع قلوبنا

نرسم ضحكة فخدودنا 

  ونصلى. عالرسول

.....ونقووووول.......

كان ياما كان

 كان فيه اثنين زمان

اتنين اتقابلوا مره 

فى ظروف حزينه.. مره

قابلوا بعض فى مكان

اثنين الصدفه رسمت بينهم وقت وزمان 

كانو فجر جديد لبعض 

كان بينهم الف وعد 

ان لو الدنيا قسيت 

هيكونوا سند لبعض

 حب ..ومن غير شروط

فى الدنيا امل ..وصوت 

صوت للقلوب  بتحكى 

عن فرحه فى وقت موت 

وفى يوم وليله اتقلبت ..بينهم كل الوعود 

وفضلوا اتنين فى دنيا ..ظهرت بينهم فروق

فروق فى الفكر  خلقت مابينهم اعلى سور

مابين ظروف وعيشه 

ومابين قلوب نضيفه

ومابين  وقت وفلوس

الدنيا ضيعتهم

وجع القلوب قستهم ... ونسيوا كل الوعود

بعد مكانوا حبايب .. 

الروح للروح تمايل 

بقوا لو الصدفة رسمت بينهم وقت وزمان

بيداروا وجع قلوبهم 

بيداروا حنين وشوقهم

بيداروا  نظرة عيونهم  

لتفضح شوق قلوبهم .ويشوفوا ايام زمان

يوم ماتقابلوا مره .. فى ظروف حزينه مره

اتنين الصدفه رسمت بينهم وقت وزمان

كانو فجر جديد لبعض

كان بينهم الف وعد 

ان لو الدنيا قسيت 

هيكونوا سند لبعض

ياريتها بالوعود 

والروح للروح تعود

مكانوش داروا وجعهم

ولا داروا عيونهم ..لتفضح شوق قلوبهم

ويشوفوا ايام زمان

 

🔥هہمہسہآتہ حہآئرة🔥

قلم ⁦✍️⁩وتصميم.🖼️ ..#همسات_حائرة