يا عصفورة الليل
=========
يا ليلى شو بكي
لما بشوفك عني تهربي
ما عم تتذكري
لما كنت طفله
جوات قلبي خبيتك
وما كنتي
الا الي تضحكي
على المفرق كبرنا
وغنينا سوى
بتتذكري أيام الشتي
مع الغيمات على حبات المطر
كنتي ترقصي
وحد بيتك
أسرق النسمات
على ضو القمر
على شباك المحبة
أهديتك ورده
وبغيمات هالليل
أهديتيني بوسه
خبيتها جوه قلبي
وأسقيتها من دمعات عيني
وبقيت سهران
أنا وعصفورتي حدي
نحكي حكايات عن المحبة
شو يكي اليوم
عني ما بتسألي
ان جيت حدك
بعيونك عم تهربي
وعلى تلة العشاق
وحدك تسهري
بتحاكي موجات البحر
وبترسمي على رمل الطرقات
صوره الي
بتسرقي مني النظرات
وحد بستان بيك
تحت اللوزه
لعصفورتي عم تشتكي
ب هليل ترجع تحكي الي
أسرار محبتك
وعلى ريشاتها
دمعاتك عم تذرفي
سألت عليكي
ألولي حد المرفأ
على موجات البحر
سفينة الغربة عم تركبي
ليكي يا ليلى عني لا تبعدي
انت الليل والدمعات
في القلب ديما
عني ما بترحلي
يا عصفورة الليل
خليكي حد ليلى في هالغربه
وأنا سنديانة هالوطن
باقي وانت حترجعي
=================
بقلمي الأديب رسمي خير
ليست هناك تعليقات:
إرسال تعليق