محكيه كذبة وامنيه:
نحنا ما منحكي الي صار
الي صار بيحكي عنا
خلقنا كبار منبقى كبار
والمجد تربى عنا
******
قالوا من عنا التاريخ
بقانا ومجدل جبل الشيخ
وصل العالم ع المريخ
ونحنا بعد منستنى
******
فرقونا طوائف
ومن الله ماحد خايف
يا ربي مانك شايف
شو هالبلوه الى عنا
******
ياربي شو ما بتريد
بتفعل مو طالع بالايد
لانت ذرات الحديد
ونحنا لهلق مالنا
******
والعز لبسنا تاجو
والبحر ركبنا مواجو
داء ومالقينا علاجو
الفئويه الي عنا
******
طالب عفوك ياربي
تجمعنا ع المحبه
وتخلصنا من هالكذبه
الاما وبيا من عنا
******
نجمع للحب قناطير
ملعب طفل وملفى الطير
كوخ وعرزال نواطير
والخير بيحكي عنا
***************
بقلم : نوفل خليل عباس
20/2/2021
ليست هناك تعليقات:
إرسال تعليق