( اللحظه الاخيره ) موت الروح بنحسه وقت الفراق !!
والفراق نهاية لأي علاقة مهما كان صدقها .
سواء خيانة ...
سواء ظروف .....
سواء الموت ....
موت الفجأة اللي بيزيد كل يوم وبيخطف قريب ، أو صاحب وممكن حبيب ، و كأن محطة الفراق أصبحت حتمية لما تركب قطار الحياة !!
علشان كدا لازم نغير طباعنا وحياتنا ونشقلب كيانا ، لازم نخلي القوة جوانا احنا واعتمادنا علي نفسنا يكون شيء أساسي مش مجرد عادة ،
و نبطل نكون ساندين علي بشر وقلوب زينا من طين ، ماهو مشكلتنا اننا مش فاهمين الحب صح ، والحب بند واحد من بنود الحياة - لكنه - أقواهم ومسيطر على كل جزء فيها !!
الحب والحياة مشاركة ..
مينفعش تسليم لروحك بالكامل !
ومينفعش مش تسند بكل طاقتك وتنسى نفسك !
غلط لو اتعاملت بمنطق تسليم لطاقتك ولكل تفكيرك ، ومينفعش كمان تسلم نفسك وتنسي تسأل عليها لحد ما تيجي لحظة الفراق ،
وساعتها تقف وتصرخ وتقول نفسي فين ؟!
حافظ عليها من البداية ....
ماهو باختصار الحب الصح هو واحد بيرفعك ....
هو واحد بيزود سعادتك وعجبته طريقة تفكيرك ،،،
استناني كدا !!
انت سامع بقول ايه ،؟!
طريقة تفكيرك ، يعني مش منطق ولا طبيعي انه بعد ما نقع في الحب نطلب منهم التغيير !
الحب صدق
الحب اتنين ولو في لحظة بقي واحد بس اللي متحكم فيه بيبقي قهر
ياريت نفوق. بقلم اخوكم( عبد الرحمن)
ليست هناك تعليقات:
إرسال تعليق