اَاَاَخ لما اقول الاَاَخ
اخويا وصاحبي وخلاني
جسد فى دنيا المنتهى
وروح عايشه جواني
طبعك من اُمي الوفا
لا جرحت يوم وجداني
لا صاحبت يوم الجفا
ولا كلت ورث حباني.
جيت ورحت ياضيف
واجب الضيف انساني.
استنى حبه ياجدع
بس الأمر،،، رباني..
ولا قلت اَاَه
لما اتبليت ياولد.
من عزم ابوك اتقسم
شفت الجبل تاني.
ضحكت عليك ياولد.
ضحكة... عنيك.
قاَيد ايدك بالأمل
راح طفيت عنيك
يابو ضحكه وحشاني..
جمعت العلم ياجدع
عالِم وفاهم الوجع
شايل حروفو بحضاني
تقول مضروبلك الودع
تزرع علمك، ف بستاني
برعم ، سقيتو ادب
وكتاب قريتو بلساني.
تاريخ ، يا ام الكتب
تفسير ، وفقه ، وأدب
اهو علمك،هو اللى علاَني
واَاااخ لما اقول الاَاَخ
اخويا وصاحبي وخلاني
سيد العقيلي
ليست هناك تعليقات:
إرسال تعليق