بمناسبةعيد الفطر المبارك
قمت باعادةصياغة
لقصيدتين عن امى
الاولى
بعنوان /جانا العيد يااما
والثانيه
بعنوان /سابع عيد يااما من غيرك
1_
بقلمى/عمرو ياسين
بعنوان/جانا العيد
الدوله/مصر
{(جانا العيد يااما)}
جانا العيد يااما
وانا مش ناسيكي
بتجري في دمي
وفاكر عنيكي
ووجهك كا بدر
ينور لي ليلي
وسيرتك دي فرح
يضلل عليكي
يابسمه ياضحكه
لكل ما ليكي
لينا الدنيا يااما
والجنه ليكي
ياغاليه عليا
ياست الحبايب
ومن غير وجودك
بقا العيد غايب
وبدعي ياامي ودعايا كتير
ولكنه بردو قليل عليكي
2_
بقلمى /عمرو ياسين
بعنوان /سابع عيد
الدوله /مصر
{(سابع عيد)}
سابع عيد يا اما من غيرك
سابع عيد محروم من خيرك
سابع عيد اتمني اجيلك
او اشوفك واتملي بنورك
ما انتي خلاص روحتي يا اما
والفرحه ما بقتشي مهمه
حتي العيد شموعه ما تقيد
ومن غيرك ما فيهوش لمه
الاقى فين زيك يااما
في غلاوتك مفيش لا خاله ولا عمه
لا حد يحس اوجاعي
ولا حد يضمني ضمه
صعبه الدنيا من غيرك
والايام كمثل الحمه
عيد سعيد لكل ام معانا
وعيد سعيد لكل ام فارقتنا
بقلمي/عمرو ياسين
بعنوان /
1-جانا العيد
2_سابع عيد
الدوله /مصر
ليست هناك تعليقات:
إرسال تعليق