شعر غنائى
مشتاقين ليك
مشتاقين ليك مشتاقين
و ف غيابك دوبنا الحنين
تعبنا من الهجر و البعد سنين
و الشوق كوانى و القلب داب
و الفراق منه بتبكى العين
دبلت عيوني م السهاد
دبنا يا قلبى م البعاد
بلاش هجرك و العناد
مهما تقسى انت الحبيب
امتى أنول وصلك و الوداد
مشتاقين حبيبي مشتاقين
بس يا نور العين سلم
دوبنا م الآه و تعبنا الأنين
حتى برمش العين اتكلم
كنا اتنين يتعلم منا العاشقين
بقى الحزن نصيبنا و نتألم
و ف هواكم دايبين صبابة
روحنا فيكم و حياتنا يابا
تحت سماكم أجمل سحابة
بالحب كانت و الوعود
إشتقنا لحبك و البسمة و الطيابة
مشتاقين ليك مشتاقين
هاشتاق لمين غيرك
اشتقنا ليك ارجع لطيرك
باستناك و طال تأخيرك
يا ولفى داب قلب حبيبك
اشتقت لأنفاسك و عبيرك
مشتاقين ليك مشتاقين
بقلمي
أشرف سيد أحمد على
ليست هناك تعليقات:
إرسال تعليق