أمي الغاليه
للشاعر دخيل العطيوي الثقفي
،،،،،،،،،،،،،،،،،،،
يفداك كل الوجود وترتخي قدام غاليك
دنيا تشب الكبد ومن العنا توهن عظامي
وأثني مقامي وجاهي لجل ترضى بين أياديك
أدور الدعوة إللي صادقه تشفي سقامي
ياللي ربيتي العطيوي عمر وأعطيتي مباديك
حتى بدا لي مع أهل العرف شان ولي مقامي
ياباب جنة ببرك ما طلبت إلا نرآضيك
لجل إن برك عباده قدرها فالدين سامي
وش عذر وجهي لو أتكبر وفي ساعه نعاديك
وأنا أدري إن العقوق يذوّق الروح السقامي
ماعاش رآسي ولا قامت حياتي يو أشانيك
وأنزّل الدمعه اللي ثقلها يلجم كلامي
لكن عهداً لوفي الود ما دآمت لياليك
تمد بالعمر وأيامك لمررها سلامي
وأحني مقامي وجاهي لجل تبقى لي ودآريك
وأذود عن وجهك الميمون جورآت السهامي
وأقوم في وآجبك وأكسر مقام إللي يعاديك
حتى وتبقين في عزة ولك جل إحترامي
وأدعي وأنا في صلاتي يالله إنه لي يشافيك
ويطول عمرك على تقوي وفي حسن الختامي
ياللي مقامي و جاهي منحني قدآم أياديك
ياتاج رأسي وأنا أقبل يدينك قبل أنامي
وإن مت قبلك عيالي لك كما ضلك تباريك
يوفون بالعهد في خدمتك عامٍ عقب عامي
ليست هناك تعليقات:
إرسال تعليق