(()()()الغربةمرة()()())
بقلمي/محمدأبوالحسن
***********
إللى داق الغربة
هو اللي يعرف عذابها
هو اللي جرب دنيا تانية
غير الدنيا اللي غصب
عنه سابها
هو اللي اتكوى بنارها
وكان ليله فيها أصعب
من نهارها
هو اللي فارق أهله
وحبايبه
والأرض اللي هو نبته
منها
واللي معجون من ترابها
والحبيبة اللي كان
خطبها
وهي لسه سنيورة في
شبابها
وياعالم لما يرجع
هيلاقيها اتعلقت بحد
غيره
ولالسه شاريةبس شابت
من إنتظاره واللى نابها
واللي ساب أهله وناسه
وأرضه اللي خضّرها
بفاسه
واللي باع فيها فرشه
أو نحاسه
ومالحقش يدوق ثمرها
وذكرياته وأمنياته واللي
فاته من حياته
قبل مايسافر دفنها
كل دا وحاجات كتير
قبل مايفارق ركنها
مش عارف هيفارق
ويبعد قد إيه
ولما يرجع هتبقى الدنيا
عاملة إيه
واللي هو متغرب عشانه
ياترى فعلا هيلاقيه
والتمن هيبقى إيه
الغربة مرة
والكل بيدفع تمنها
................
الغربة لسه عندي فيها
كلام كتير
واسألوا اللي اتغرب
وإشتغل عندثري أوأمير
والإهانةاللي شافها منهم
كأنه عبد أو أجير
وطلعت عُقدالنقص اللي
فيهم
عاللي هو أغلى منهم
بس مشكلته انه فقير
حب ياكلها بالحلال
وان شال على اكتافه
جبال
ومهما كان شغله عسير
بس بيعتز بكرامته
ليه تهينه أو تقل قيمته
دانت لو في بلده زرته
هيشيلك على راسه
شيل
وم السعادة ممكن يطير
الغريب عندك أمانة
بلاش تعامله باستهانة
وأديله حقه بأمانة
واوعى تتغر بمالك
أوبجاهك
بكره الدنيا تردهالك
مفيش عليها أبدًا كبير
إكرم الإيد اللي جاية
لحد عندك تخدمك
واللي جاي يعمرلك في
أرضك
واللي جاي يداويك
ويعلمك
دول أصحاب فضل
عليك
كلهم جايين لعندك
علشان ياخدوا بإيديك
مش جايين يشحتوا
ولا يترازلوا عليك
دول ناس سابوا اللي
ليهم
إتقي ربنا فيهم
قبل ماتزول النعمة منك
وييجي الدور عليك
محمدأبو الحسن
ليست هناك تعليقات:
إرسال تعليق