🥀كلمه مفيش تاني🥀
لا عتاب ولالوم
ولا حتي خصام
ولا هقول كلام وخلاص
ما أتعودت أقول
غير أحساسي
لكن هو ده حالي
وطبعيتي غلباني
بترجعني لمكانتي
بتوريني حدودى
و أيه اللى مسمحولي
و أيه اللى يوجعني
لو غصبت علي عقلي
وعملت عكس أتجاهي
أجرى طوالي
أقفل أبوابي
وأرجع أدخل القمقم من تاني
بلاش تضغط بلاش تلوم
بلاش تحكي في أحساس مهزوم
ولا يوم هيكون غالب
إحساس مسروق
مبتور مش كامل
أقولك....
عارفه انه مش هيدوم
زي نسمه صيف
بتشاغل الياسمين
لحظه والحر هو اللى بيدوم
كلمه ومالهاش تاني
مركبي مش هسيبها
تتخبط من تاني
ولو ...
خطواتي خدتني وقلبي مال هأبعد
لأبعد مكان
وأتخبي من أحساسي
ويمكن أدفنه وسط الرمال
ما أنا عرفاني
وكمان حفظاني
قلبي لو مال
عقلي يعدله في الحال
🌼منى محمد رزق
ليست هناك تعليقات:
إرسال تعليق