علم الهوى
صرت استاذي بالهوى
وانا ب هل العلم مسرورة
رجعت من بعد الغفا
تضوي نجوم مسحورة
تنور اللهفة وتطفي الجفا
وتعمل من العمر اسطورة
البعد ما منو نوى
أمام الشوق جنود مقهورة
والحب ل قلبك منو انتلا
متلك انا بضل بعلتو محرورة
اعلم ما الك غيري دوا
ما تلوم الايام ل هيك مقدورا
يا كلمة الحب ل جمعت بين انت وانا
صرتي بحياتي حروف منصورة
بحبك..... سكتت الكلمات
ل بين العقل والروح مأسورة
بحبك..... اسأل الغيمات
ل حاملة الك دموع مهمورة
بحبك..... ضجرت الآهات
ل بقيت ع ارض الحب منثورة
بحبك..... جنت الرنات
وصارت الك بالصلا مأمورة
بحبك..... فيك رضيت الحياة
تعمل من القلب هيكل وتحط الك في صورة.
الشاعرة سامية عقيقي شدياق
ليست هناك تعليقات:
إرسال تعليق