سكتت دقّاتو
ما تسأل عن دمعتي شو طعمها
مُرّة من شجر كيناتو
مُرّ الصبر مش من حلا الصبّار
قطّرها بعيون صبية صغار
ولمّا كرجت عالخد
شو صاح من حرّاتو
ما تسأل عن غنوتي شو نوعها
موّالها من تأليف كلماتو
شربك حروفها بليلة شِتي
تيخْتِبي بطي عتماتو
ولمّا مسكت العود وبلّشت دِق
دق قلبي من وهج نغماتو
وصارت مواويلي ولولي وتنهيد
نتل شي طفل بكي عخيّاتو
وما تسأل عن بسمتي شو سرها
سرها بيحتمي جوّاتو
مش كل جريح من الألم بيصيح
ومش كل مريض بتنسمع أنّاتو
ومن كتر ما قلبي من الحزن انكوى
مسكين يا قلبي كيف سكتت دقّاتو
فاطمة البلطجي
ليست هناك تعليقات:
إرسال تعليق