أغلى دموع
..........
دموع على الخد سالت
راحت جابت وسابت الحيرة
النار فى القلب قادت
من وقتها مليش سيرة
غير دموع انا شفتها
بتبكى من نار جرحها
ولا على نصيبها وبختها
أيه خلانى أشيل همها
سألتها رد عليا جفنها
سمعت دقة قلبها الموجوع
بكيت على دمعها بدموع
دموع سمعتها بتشكى بتتكلم
بكيت بدمعها ومعاها بتألم
ماأعرفش دموع مين فينا
اللى الجرح فيها معلم
من نار وجدها وانينها
جوه قلبها وعينها
من صهدها أحمر خدها
كأنها بستان ورد بيزينها
اللى بيسيل ده دمها
ولا من حر دمعها
بيكوى رمش عينها وجفنها
دموع لها صوت مسموع
جرح يصرخ بين الضلوع
نار تطفى كل الشموع
الا شموعك ياأغلى دموع
بتبكى من اللى خانك
ضاعت فى الهوى أمالك
شكوتك دمعتك بقلبى تكوينى
لوعتك بتزيد أنينى بعذابك
بسئلك ردى عليا جوبينى
ليه جيتى وبكيتى قدامى
اشمعنا انا وليه اخترتينى
صحيتى فيا جراحى والامى
انا من الألم مصنوع
والفرح كمان عليه ممنوع
ياما قدت لغيرى شموع
طفاها ريح الغدر وبكانى بدموع
.......
بقلم.الشاعر
الأمير _محمود
ليست هناك تعليقات:
إرسال تعليق