داري رموشك
بقلمي / عبدالحميد السماحي
داري عني رموشك داري
كل الجمال شايفه قبالي
حتى خطوتك تدق بقلبي
هى النبض اتغير حالي
ايدي لإيدك بستناها
إمته حبيبي تبقى حلالي
وسط الخضره تجري ورايا
واجري وراك واقول موالي
سمعه يادنيا ردي عليا
شايفه الضحكه هو غزالي
هو الشط فى وسط الصحره
هو الفكره اللى عايشه فى بالي
داري عني رموشك داري
شعرك سايب زي الليل
افديك عمري وكل أمالي
لكل زفه أروح وافرح
وادعي يارب واقول عقبالي
ايدي فى إيدك أروح وأهني
غصب عني مصبر حالي
داري عني رموشك داري
بقلمي
عبدالحميد السماحي
مصر / محافظة كفرالشيخ
ليست هناك تعليقات:
إرسال تعليق