لما بكون معاك
بتتوه مني الحروف
بيغيب عني الكلام
بغرق في بحور عنيك
لما بكون و ياك
بدوب انا في هواك
و العقل يشت مني
منّا عاشقاك من زمان
أنا لما بسرح فيك
بتوه مني و بلاقيك
قلبك بقى حتة مني
و روحك سرقتني مني
طمني حبيبي بيك
أنا عاوزة اكون معاك
اقربلك منك و ليك
و حضني يحتويك
اداويك م جرحك والزمن
بحلم تخطفني مني
و بعيونك ترسمني
و شفايفك تهمسلي
انك حاببني بجنون
على فين هواك واخدني
تايهة في عشقك يا ساحرني
كون انت ليا الوطن
بتمنى قربك ليلاتي
تمسح كل دمعاتي
تنسيني كل آهاتي
و الأنين بين الضلوع
ده أنا دايبة فيك و حاسة
انك يا حبيبي جنة
هتعيشني الجنون
دي اللحظة معاك بعيشها
في سعادة كاني طايرة
بنسى الدنيا في ثواني
و اهرب مني و ادوب
دايما خليك معايا
قربك هوا منايا
و النعيم بلاقيه معاك
مين غيرك اكونله كونه
ومين غيرك يكونلي كوني
انت يا عمري عيوني
كملني دايما بيك ...
نجوى محمد
ليست هناك تعليقات:
إرسال تعليق