(علي مين اللوم)
أيام منحوسه وبتعدي
وعليها بنلوم
واخدنا ع العاصي ما بتهدي
وفيها كام مظلوم
لا فقير فيها متهني
ولا ساكن قصور
دموع ع الخد والنني
وخاطر مكسور
أفراحها خلاص غابت عني
وبقا بينا بحور
فين الحقيقه انا مستني
مين فينا بيجور
يادنيا نفهم أحوالي
ونعيش فى النور
قالت ياسيدي انا مالي
حقيقتكم زور
ليل ونهار ليا مساري
وأنا فيه بندور
متهومه والتهمه لبساني
وصايبكوا غرور
على أرضي منكم وبعاني
ملياكم شرور
ضلالكم سمعاه بوداني
والكل بيجور
مواريث وحقوق منهوبه
والعدل أصبح مأجور
أيتام حقوقها مهضومه
بلعتها بحور
أباء م الرحمه محرومه
وأمانيكوا تغور
إخوه بينكم معدومه
والكل بيدور
التقوى بينكم مدفونه
فى قبور بتغور
شريعه وسنه مركونه
وكتاب مهجور
والغدر ريحته محبوبه
بقا عود بخور
أما أعمارنا دي مكتوبه
وقدر محتوم
وإللي إحنا فيه غرس إيدينا
وعلينا اللوم
عشرين عشرين زي إخواتها
وإحنا العايبين
نبداء ونصلح أنفسنا
ع نشوف الخير
نبيل عبد الحليم
26/12/2020
ليست هناك تعليقات:
إرسال تعليق