(وصايا الخال 8)
صباحك ياخال
ياخال عندى جرح
ونفسى ليك أشتكية
ااااه
أوعى تشكي
م الجروح وألالم أوعى تشكي
ولما تشكي لمين ع تحكي
ولما تحكي مين
على جرحك ع يبكي
مين لجر حك ع يداوية
وجرحك لو داويتة
فية ألف جرح ع تحس بية
جرح وغار
ذنبة اية تشتكية
شكواك لغيرك ذل ليك
جرحك وألمك
أنت بس أحق بية
لو زاد نزيفة
إكتمة وأستر علية
تشكي لصاحبك
صاحب النهاردة
بكرة راح يتشفى فية
اصلا صاحبتةعشان مراد حققتة بية
عطاك أمان وأنت كمان
غدرت بية
تشكي لأبوك
إرحمة همك كافية
كان عندة أمل
تكون السند وقت المحن
يتعكز علية
خانة ألأمل
وحتى الزمن ضحك علية
زرعة وخابت
ووقت الحصاد
طلعت سراب إنغم بية
إزاى لجرحك لما تشكي
تشكي لية
تشكي لأخوك
إبن أمك وابوك
اللى أنت ياما
قسيت علية
ولشرع ربك فى الميراث
طمعت فية
وحبل ودة لما مدة
قطعتة لية
لما تشكي لة جروحك
الشكوى لة تفيد بأية
إنت أصلابألألم
لجروحة كاوية
تشكي لجارك
سترك لدارك
كشفتة لية
أصول جيرانك
كل اللى جايز
تترحم علية
يابنى حبيبى
اقولك اية
داري نوحك
وإكتم جروحك
واوعى تلوم الزمن
وتعتب علية
عم الأصول إنعدم
والكل جافية
وكل واحد مننا
اللى فية كافية
قول ياخال سكت لية
سؤالى وجعك بتبكى لية
نكمل غدا لو حابب
نبيل عبد الحليم
17/8/2020
ليست هناك تعليقات:
إرسال تعليق