هذه كلمات لكل من باع ضميره
سحر الكباب
يا سلام على شوية كباب
معمولين على الفحم
و يكونوا هديه م الأحباب
و معاهم شوية كفته
أكلهم حته حته
و لو جمبهم شوية فته
و كمان سلطة طحينه
كده أكتب ورقه سليمه
و أودي مخيمر مكان سكينه
يا سلام لو زودت شويه
أظهر لك الحنيه
و استعجلك الترقيه
ما انتو عارفين الكرش
ميهموش منين القرش
المهم يتملى و بس
و اللي مش عجبه يسكت هس
إوعى تقولي و الضمير
سبته نايم ع السرير
ممدد بقاله كتير
و معدش بيطلب تفسير
و بيقولي أمرك يا كبير
ربما يكون مات
أو بقى ضرير
لو مات يبقى ريحني
م العذاب
و لو بقه ضرير
مش هيشوف الخراب
و متقلش و التراب
أصل انا بحب الكباب
تقولي طب و العذاب
هقولك الله تواب
أهو يبقى ملينا البطون
و م الملوه مش عارفين
نقعد و لا نقوم
و الا عاوزنا نصوم
و مش مهم من جيبنا
و الا جيب الزبون
بقلم // أسامة الحكيم - مصر
ليست هناك تعليقات:
إرسال تعليق