سأنشر قصيدة في رثاء بغداد لأخي المحامي المرحوم حسان الحافظ
-بغداد
ابجي يابن العرب/بغداد ابجيها
صُبحت أكثرها خِرب/والبوم يرثيها
جيش التحالف عبر/ ودنس أراضيها
ناديت وكلّي عجب/ وينهم أهاليها
ردّ وجاوبني طفل/ودمعات يجريها
منّا وبينا ترى/ال خان وغدر بيها
مدفون تحت الثرى/ هل جان حاميها
بغداد قصة وشعر/زينة معانيها
محلى بيها السهر/محلى شواطيها
بغداد مجد العرب/التاريخ يرويها
بغداد يا أخت العرب/بالروح نفديها
والشام بحالة حزن/من هو ال يعزّيها
ياشام شوية صبر/ونشوف تاليها
ما يروح دمها هدر/العلوج نفنيها
المحامي حسان الحافظ
رحمه الله-٢٩-٤- ٢٠٠٣
ليست هناك تعليقات:
إرسال تعليق