الشوق
للشاعر دخيل العطيوي الثقفي
،،،،،،،،،،،،،،،،،،،،،،،،، ،،،،،،،،،،،،،،،،،،،،،
سرا بي الشوق حولك يا عزيز المقام
يدفعني الود يمك في حنين وسكون
أمشي حثيث الخُطا من غير نلقي ملام
للناس وش همني فيها.... قدر ما تكون
لجل إن لي قلب واحد مقصده فالغرام
ودي نوفي لها بالود ....... قبل المنون
طبعي كذا ما تراجع خطوتي للأمام
من صغر سني وهذي عادتي ما تهون
وأخذت قسمي مع الشعار ذروة سنام
حتى غدا للعطيوي شأن يجلى الضنون
تقدير أُخوه مباديها ..... سلام بسلام
وإلا فباقي الأمور........ نشيلها فالمتون
إلا حبيبي له الوجهه . بشوق وغرام
دون البشر قدرها مابين رمش العيون
أودها من غلا قلبي ..... وأزيده وئام
وأكون له طول عمري مقدريه وعون
هذا حبيبي وجوده فو ق كل الكلام
أغليه كثر النسيم ...إللي يهز الغصون
يوم إنها لي وحيده .. وإحترام ومقام
أسكنها من غلاها بين .... رمش وعيون
ليست هناك تعليقات:
إرسال تعليق