،)((((ضاربة الودع))))(،
بقلم محمدابوالحسن
..............
أبيِّن زِين أبيِّن
واوَشوِش الواااااادع
إللي نفسهُ في عروسة
حلوة
واللي عاوزة عريس
جااااااااادع
بنقرّب البعيد
ونحرّرالعبيد
وكل يوم جديد
وبنعمل البِدَع
................
تعالِي ياسِت يابتاعة
الودع
...............
على عيني ياجدع
إرمٍي بياضك وقوللي
مالك
وإيه اللي فيك اتوجع
...............
قلبي بينقح عليّا
وروحي واقعة في
رِجليَّة
ومش عارف انام
من شِدِة الفزع
...............
تعالَى ياحِيلة وبطّل دلع
خُد وشوِش الودع
وقول له عاللي فيك
وماتبقاش دِلِع
وجهِّز البقشيش
واوعَى تقول مفيش
لاازيدك من الوجع
..............
طيب ياستي
أدِيني وشوِشت الودع
قوليلي عاللي فيه
قلبي هيتخلع
-----------‐-----
نجمك عالي والله
ياحيلة
والسعد هثشوفه الليلة
وهيبقالك عِزوة وعِيلة
بس الشيلة هتبقى
عليك تقيلة
هيجوِّزك واحدة طويلة
هيَّ صحيح هبلة
وماسكة طبلة
لكن قلبها طيب وأصيلة
ورزقها واسع بس عويلة
وهتملالك الدار عِيال
كل فُولة يااخويا ولها
كيّال
داهيَة تقْطع الكُل كلِيلَة
يلا يااخويا أنا بشَّرتك
وفقعت مرارتك
وبكره الناس هيشاوروا
عليك
ويقولوا يابختك
وابقى افتكرني
بالحلاوة انا زي اختك
يلا ياخويا جهز حالك
واعمل هُلِّيلة
خلينا نشوف أكل عيشنا
وابقى طمني ياحيلة
يُووووه نسِيتني جَتَك
نِيلة
إطلع بالحلاوة
ياابوطويلة
واتوصى بيا يانور عينيا
دانت هتدعيلي الليلة
وابين زين أبين
واوشوش
الوااااااااااااااااادع
إللي حب وماطالش
واللي دارى في قلبه
وماقالش
واللي م ناره اتلسع
محمدابو الحسن
ليست هناك تعليقات:
إرسال تعليق