مدائح نبوية شريفه من كتاباتي باللهجه العراقيه..
""""""""""
مكشوف جرحي والضمد مافادي
والعله ماهي بالجرح بفادي
......
مكشوف جرحي ومالگیت دوَا لو
ماعاف نوحي وخله حالي بحالو
طبي طبيبي المصطفى بوصالو
يشفي الجرح ويشيل عني ضمادي
......
جرحي غمیج ومابراني علاجِ
من حثحثو وبسيرهم حجاجِ
يالگاصدين لطهَ ماني راجي
وصلي بحبيبي أرجه رَوحَه غادي
......
يا لايم شمالك تلوم وتعذل
تدري دليلي بشوگو دوم مشَندَل
مَندَل بروحي ودوم ساهي ومَندَل
مضيع طريقي وضاع مني مرادي
.....
روضة الهادي من اسمهه روضه
تريض العاشق للنبي وتروضه
رياض حباهه الله لنَّه بروضُو
نغِسِل الجالي البچَبد مترادي
....
مسجد تهامه يهيم بيهَ الهايم
ومن قبس نورو ونور طه الدايم
ياريتني طول العمر بيي قايم
اعبد الباري واكضي عمري غادي
...
حسبات مرن عالدليل وهاجن
داسن اعضايه وضعضعني وهيجن
هيَّجَن علتي وأرقنِّي وهجَّن
صبغن الضامر والحشا بسوادي
....
ماتدري حبي للنبي يحييني
عايش بشوگو وحبو كل سنيني
مجروح كلبي وهوَّ المداويني
من صاح بسمو وبالأذان ينادي
.....
طهَ مِن كَفُّو نَبَعْ مَي ٍن صافي
ميٍ زلال منَ الجنان وشافي
شربو العسكر منو زاد ووافي
ياربِ جُرعَه منِيدُو تشفِ الحادي
....
عشگچ يطيبه مو حچي ياطيبه
عشگ السقيم وعِدْ طبيب يطيبو
طوبى المن زارچ وصلى وطوبا
متَعَ الروح وزار روض الهادي
.....
وبعشگ طه يلومني المتواري
مايدري حبو بگلبي حت بالطاري
يذوب بغرامهُ ويعشگو المعماري
ذاك الگظى عمرو بحبيبو ينادي
.....
صلو على خير الورى ياسين
أحمد حبيبي نور گلبي وعيني
بعداد من رد بالصلا آمين ي
وبعداد ما سالت سيول بوادي
......
مكشوف جرحي والضمد مافادي
والعله ماهي بالجرح بفادي
.............................................
الكاتب/صباح محمد الجاسم
ليست هناك تعليقات:
إرسال تعليق